Is-Sigriet ta’ Għajnejn il-Kobra by Carmel G Cauchi
Ir-raġel kien dahru lejh, sewwasew kif kien id-deffien fil-ħolma, u għalhekk ma setax jaralu wiċċu. Kien jidher li dak li kien qed jagħmel ried jagħmlu bil-moħbi. Minkejja s-satra tal-lejl kien sikwit iħares madwaru donnu beżgħan li jarah xi ħadd. Kien liebes kappell qadim imgħaddes sewwa f'rasu biex il-faldi jaħbulu wiċċu u ma jingħarafx jekk jinzerta jintlemaħ minn xi ħadd. Owen baqa' fejn kien, donnu msammar mal-art. Kien qiegħed jerġa' jġedded il-ħolma li kellu ftit qabel. Tgħid din kienet kontinwazzjoni tagħha?