Fil-Mergħat tal-Impossibbli by John A Bonello
New - shop stock
Reduced
It-tlettax ta’ Mejju 2082. Steve sab ruħu fi Trafalgar Square, Londra, bil-monument ta’ Nelson warajh. Ftakar fil-kliem li kien għadu kif qallu l-Bambu. Sejjaħlu ‘Serafin’, wieħed minn ftit nies maħluqin sabiex jgħassu fuq il-ġejjieni tar-razza umana, xogħolhom jiġru Fil-Mergħat tal-Impossibbli u jiddrittaq l-imgħawweġ ta’ ħaddieħor. Sakemm xi darba jkun kollox dritt. Hekk kif kien ippjanat fil-bidu. Imma Steve ma jridx din ir-responsabbiltà. Mitluf fiż-żmien, mibluh u beżgħan minn dak li qed jiġri madwaru, megħjun mill-aktar gwida improbabbli, Steve jagħmel minn kollox biex isib mezz kif itemm dak il-ħmar il-lejl u jmur lura għall-ħajja li jaf. Qabel ikun tard wisq.